Ballina / Uncategorized / Krejt Çka Ndodhi në Seancën për Astrit Deharin
krejt

Krejt Çka Ndodhi në Seancën për Astrit Deharin

krejt
Në seancën e jashtëzakonshme për rastin Dehari, deputetët e Kuvendit të Kosovës miratuan rezolutën e propozuar nga PDK e LDK, në të cilën ndër tjera thuhet se “familja mund të kërkojë ekspertizë nga çdo vend i BE-së ose SHBA dhe Qeveria t’i heq të gjitha shpenzimet”.

Pas më shumë se pesë orësh debat për vdekjen e Astrit Deharit, deputetët kaluan rezolutën e propozuar nga PDK e LDK, në të cilën ndër tjera thuhet se “familja mund të kërkojë ekspertizë nga çdo vend i BE-së ose SHBA dhe Qeveria t’i heq të gjitha shpenzimet”.

Derisa brenda në sallë pritej të niste seanca e jashtëzakonshme për rastin Dehari, jashtë Kuvendit shoqëria civile ishte mbledhur për të protestuar.

Me afër gjysmë ore vonesë nisi seanca e iniciuar nga PDK dhe e përkrahur nga LDK.

Shefi i grupit parlamentar të PDK-së, Zenun Pajaziti, tha se grupi që ai e përfaqëson është i interesuar ta dijë se çka ka ndodhur në Qendrën e Paraburgimit në Prizren në ditën kur vdiq aktivisti i Vetëvendosjes, Astrit Dehari, muajin e kaluar.

“Duam ta kuptojmë se çka ka ndodhë me jetën e një të riu pa marrë parasysh e ka qenë apo jo i përfshirë në një aktivitet për të cilin dyshohej”, tha Pajaziti.

Ndërsa Ismet Beqiri, shefi i grupit parlamentar të LDK-së, kërkoi që në debatin për Astrit Deharin të diskutohet me argumente, jo me fyerje.

Beqiri u shpreh edhe kundër përfitimit politik nga ky rast. “Jo të flasim nga fundi i barkut, por të flasim me arsye”, tha ai.